غادة عبد الرازق: "أنا خجولة جدا وأتمنى نعمل أفلام زي باب الحديد"

كتبت- بهيرة فودة:

قالت الفنانة غادة عبد الرازق إنها شخصية خجولة جدا، وأوضحت أنها تتمنى أن تعود السينما لتقديم أعمال ضخمة.

وأضافت في تصريحات تليفزيونية: "أنا مبعرفش أقف قدام كاميرا إلا وأنا بمثل بس، أنا خجولة جدًا ومبحبش أظهر كتير والناس بتفتكر إني مش كده لكن الحقيقة إني خجولة جدًا".

وأضافت: "لما بكون ضيفة في برنامج ساعات بكون حادة في الكلام، وده مش بيعجبني، عشان كده بفضل لما أقف قدام الكاميرا أكون في شغلي وبمثل بس مش أى حاجة تانية".

وتابعت:"نفسي الستات ترجع تعمل بطولات مطلقة في السينما، وياريت النجومية متبقاش متحددة بس على بطلة قدام بطل".

وأكملت غادة: "الأيام دي بقى في أعمال كتير نجومها كتيرة مش بس نجم ونجمة ودي حاجة أنا حباها، وياريت نرجع نعمل أعمال زي جعلوني مجرمًا أو باب الحديد، أعمال تكون هادفة وفي نفس الوقت مسلية للجمهور".

يذكر أن آخر أعمال غادة عبد الرازق مسلسل "لحم غزال"، بطولة كل من شريف سلامة، عمرو عبد الجليل، وشريف الدسوقي، ويوسف وائل نور، وعارفة عبد الرسول، ومي سليم، ورحاب الجمل.

كما شاركت غادة عبد الرازق في فيلم "حفلة 9"، بطولة طارق لطفي، نهال عنبر، عزوز عادل، أحمد وفيق، طارق صبري، إيهاب فهمي، كمال أبو رية، تأليف عمر عبد الحليم.

View this post on Instagram

A post shared by What Women Want...Magazine (@whatwomenwantmag)