بعد مشاركته في احتفالية افتتاح مشروعات المنصورة الجديدة.. شريف منير: "شرف عظيم"

كتبت- منال الجيوشي:

شارك الفنان شريف منير في احتفالية افتتاح المرحلة الأولى لمشروعات مدينة المنصورة الجديدة بحضور الرئيس عبدالفتاح السيسي.

ونشر "منير" عبر حسابه الرسمي بموقع إنستجرام، مقطع فيديو قال فيه: "أنا ابن من أبناء المنصورة، الإنجازات طبعا واضحة ومالية مصر كلها، حاجات اتعملت في لمح البصر، يا ريس أنا كل يوم بقوم بلاقي بلدنا متغيرة، أروح مشوار وأرجع الاقي الدنيا متغيرة".

وتابع: "أنا من سكان حي المقطم، اللي أصبح مدينة في منتهي الروعة، أحكي ليكم نبذة عن حياتي وعلاقتي بمدينة المنصورة، أنا اتولدت في المنصورة وحبيت الفن في المنصورة بلد عظيمة وناسها حلوين، روحت مركز ثقافة مدرسة المشاغبين مسرحية اتفرجت عليها قبل ما شوفها في التلفزيون أو على المسرح.. ابن خالتي خدني نروح نتفرج على العروض ونستمتع بها، الآلة اللي بحبها واللي احترفتها في وقت من الأوقات حبيتها من المنصورة.

وأضاف: "كان أبناء المنصورة بيعملوا فرق أغاني إنجليزي وفرنساوي، بلد جميلة وعظيمة جيت هنا سنتين ونص علشان أعمل إعلان شفتوه عن المنصورة الجديدة، مكنش في الكلام ده أنا معرفش الكلام ده حصل إمتى بجد شيء مبهر".

واختتم شريف منصور حديثه قائلا: " العالم كله كان بيقابل تحديات، إحنا هنا كنا بنعمل إنجازات واضحة، واللي مش مصدق مع نفسه بقى ملناش دعوة، البلد كلها اتغيرت للجمهورية الجديدة، المنصورة خرج منها عمالقة".

بينما علق شريف منير على الفيديو قائلا: "كان شرف عظيم ليا، تحيا مصر".

View this post on Instagram

A post shared by Sherif Moneer (@sherifmoneerofficial)