حسام حبيب: "حطيت قواعد أنا وشيرين وكل واحد فينا هيشرف التاني"

كتب- وائل توفيق:

كشف الفنان حسام حبيب تفاصيل عودته للفنانة شيرين عبد الوهاب، وذلك في مداخلة هاتفية مع الإعلامي عمرو أديب ببرنامج "الحكاية" المذاع على فضائية "إم بي سي مصر".

قال حسام حبيب: "هي طبعا اللي أقنعتني، ، أحنا زي أي اتنين في الدنيا، خناقتنا هبلة وعبيطة، وزي أي أتنين في الدنيا، وحياتنا لما تبقى مفتوحة على الناس، هو اللي بيكبر المواضيع، والسوشيال ميديا، والناس اللي بتقول كلام متعرفوش، لكن إحنا بساط جدا، وخناقتنا زي أي اتنين في الدنيا".

وأضاف: " تكلمنا قبل ما نرجع، حطينا قواعد، كل واحد محتاج يركز في حياته، وحياتنا احنا الاتنين مع بعض تبقى مقفولة علينا، وحطينا كل واحد أهدافه، وإيه اللي كان مضايقة في التاني، قبل ما تحصل المشاكل دي كلها، وعدنا بعض كل واحد فينا هيشرف التاني، يبقى عايز التاني يبقى مبسوط بيه، وفي نفس الوقت حياتنا الخاصة دي لينا إحنا بس، مش لأي حد تاني، وأنا بحبها، أنا عاذر كل واحد خايف عليها، وهي فعلا عدت بأوقات صعبة، وأنا زعلان عليها، ومش هعرف أوضح لكل حد حاجة، وأنا مبحبش أدافع عن نفسي".

كان ياسر قنطوش "محامي الفنانة شيرين عبد الوهاب"، كشف عن بيان نشره عبر صفحته في موقع فيسبوك، قال فيه: "نقلا عن الفنانة شيرين عبدالوهاب ورغبةً منها لبيان الحقيقة كاملة للرأي العام، وتفنيد لما ورد من شائعات وأخبار على لسان مدير أعمالها السابق المدعو ميمي فؤاد الذي تم إنهاء عمله من جانب الفنانة لعدم قيامه بالدور المطلوب منه طوال الفترة السابقة فإن الفنانة تعلن وتؤكد أن كل هذه الأخبار المتداولة مجرد شائعات مغرضة ولا أساس لها من الصحة".

وعن شقيقها، كتب المحامي: "أنها تعرضت لمؤامرة كبيرة أحد أطرافها شقيقها المدعو محمد عبدالوهاب، وبعض المقربين لها حيث قام شقيقها بضربها وسحلها مستخدما سلاحًا في مواجهتها لارهابها وترويعها مع مجموعة من الأشخاص أصدقائه، وذلك ثابت بتحقيقات النيابة العامة، حيث وجهت الفنانة له إتهام صريح بذلك بالإضافة لاتخاذ إجراءات قانونية تجاهه عن واقعة السب والقذف التي ذكرت علي لسانه مع الإعلامي عمرو أديب".

وأضاف: "وتعلن الفنانة أنها لن تتوانى لحظة عن مقاضاة أي شخص كائنا من كان يسىء لها أو لسمعتها وأنها كلها ثقة في النيابة العامة والقضاء المصري في إستعادة حقوقها وما تعرضت له من مؤامرة مغلفة بدافع الإخوة والشفقة وهذا بعيد كل البعد عن الحقيقة حيث ان هناك تقارير طبية في تحقيقات النيابة العامة تثبت صحة أقوالها وأنها في هذه الفترة الحالية متفرغة تماماً لأعمالها الفنية تاركه أمور التقاضي لمكتبنا بشأن متابعتها ومتابعة الإجراءات القانونية".

قنطوش، اختتم: "وأخيراً تؤكد الفنانة بأنها خرجت من المستشفى بصحبة محاميها الخاص استقلت معه سيارته، وتوجهت إلى منزلها ولا صحة لما يتم تداوله خلاف ذلك".

ورد محمد عبدالوهاب "شقيق الفنانة شيرين" المعروف بلقب "كونج"، على بيانها، عبر صفحته في موقع فيسبوك، قائلا: "حسبي الله ونعم الوكيل تمشي سواق يشتغل معاكي بقاله ٢٢ سنة، صاينك وصاين ولادك وشغالة بنت صغيره ملهاش ذنب".

وتابع: "وميمي فؤاد الراجل المحترم بقي (المدعو) ميمي، اللي من شهر كنتي منزلة صورة ليه كاتبة عليها اجدع راجل في مصر ".

وأضاف: "يا ترى بقي بعد كل ده "لوسي ابن طنط فكيهة" اللي انتي معاه من ساعة ما خرجتي في فيلا قرايبه في لاند مارك مبسوط".

(العريس جنبك يا شيرين ولا مريح؟) حسام حبيب: شيرين اللي اقنعتني وهتاكلني علقة دلوقتي .. وعمرو اديب: لا ماتقولش كده قدام الرجالة؟
تقدر تشوف الحلقة كاملة على شاهد (اتفرج ببلاش)https://t.co/DxuI7wJ7lj#الحكاية#MBCMASR2 @sherine pic.twitter.com/0czywRwR0w

— الحكاية (@Elhekayashow) November 11, 2022