أمينة خليل: اشتغلت جرسونة ونظفت حمامات

كتبت- بهيرة فودة:

حلت الفنانة أمينة خليل ضيفة على الإعلامي أنس بوخش ببرنامج AB talks ، المذاع عبر قناته الرسمية على موقع "يوتيوب".

وقالت أمينة خليل: "اشتغلت جرسونة في نيويورك وأهلي كانوا حريصين إني أعتمد على نفسي وأنزل أشتغل جرسونة وأنظف الحمامات عشان أتعلم قيمة الجنيه وعملت ده".

وأضافت: "وعشان أنا واحدة طايشة وبحب التسوق فصرفت فلوسي كلها على التسوق وطلبت من بابا يبعتلي فلوس عشان خلصت فلوسي، رفض بس أخدت من ماما في النهاية، أكيد مش هتسيب بنتها في غُربة من غير ما تساعدها".

وتابعت: "أكيد كلنا حسينا بالوحدة في وقت من الأوقات، الحمد لله ربنا يديم أهلي، ولكن فيه موضوعات لا تقتصر على أهلي أو مش عايزة أتكلم معاهم في بعض الموضوعات".

من ناحية أخرى، تشارك الفنانة أمينة خليل في بطولة فيلم "عمهم" بطولة: محمد عادل إمام ومحمد ثروت وسيد رجب وغيرهم، ومن إخراج حسين المنباوي