فيديو| محامية "الفيشاوي" تعلق لأول مرة على أنباء ظهور ابن جديد له

كتبت- منى الموجي:

علقت المحامية سناء لحظي، لأول مرة في لقاء تليفزيوني أجرته مع برنامج "ET بالعربي"، عن الأنباء التي ترددت الفترة الأخيرة بشأن ظهور ابن جديد لموكلها الفنان أحمد الفيشاوي، من زوجة ألمانية.

وقالت "أي محامٍ قبل ما يقول أي تصريح بيدرس الورق مرة واتنين وتلاتة،

لغاية دلوقتي مفيش ورق مطروح أمام المحكمة، هي أخبار بتتقال على السوشيال ميديا وعلى القنوات الفضائية، معرفش أساسها القانوني إيه، وصحته إيه؟".

وتابعت سناء "الولد ده كان فين منعرفش عنه حاجة، ومنقدرش نقول تصريحات إلا من خلال ورق وحقائق قانونية"، وأكدت عدم وجود أي قضية أو تحرك رسمي من قِبل الطرف الآخر ضد الفيشاوي، مضيفة "مفيش حاجة رسمي ولا قضية مرفوعة أمام المحكمة ولما ده يحصل هنحتاج تدرس الورق قبل ما نتكلم".

وعن الحكم الصادر ضد موكلها بالسجن عامًا، قالت "جلسة الاستئناف المعمولة على حكم الحبس سنة اللي كانت بموجب الحكم اللي اتلغى، هتكون في 15 يوليو، وهنشوف الحكم اللي هيصدر من محكمة الاستئناف".

وكانت محكمة استئناف القاهرة، قد ألغت الحكم الصادر بإلزام الفنان أحمد الفيشاوي بدفع مبلغ 23 ألف جنيه إسترليني أجر مسكن لابنته لينا، وهي الشقة التي تقيم فيها مع والدتها هند الحناوى وزوجها الحالي فى إنجلترا.

🔺محامية #أحمد_الفيشاوي سناء لحظي "كل ما انتشر عن ظهور ابن جديد للفيشاوي من زوجته الألمانية مجرد أقوال لا نعلم مصدرها ولا يمكننا التصريح إلا من خلال ورق قانوني"، وأكدت أنها بانتظار حكم الاستئناف يوم 15 يوليو بخصوص حبس الفيشاوي...https://t.co/kGOqx2xryS | #ET_بالعربي pic.twitter.com/1UOQH7DpEl

— ET بالعربي (@ETbilArabi) July 10, 2020