"ببيع حاجتي عشان بنتي وأمي عندها سرطان".. رسالة مؤثرة لطليقة خالد عليش

كتب- بهاء حجازي:

نشرت الفنانة ميما الشامي، طليقة الفنان خالد عليش، عبر حسابها الشخصي بموقع "فيسبوك" منشورا تكشف فيه ما تعانيه.

وكتبت: "هو 4000 جنيه في الشهر يكفي بنت في مدرسة إنترناشونال، وباباها بيقبض 75000 في الشهر، ده غير الإعلانات والإيفنتات وإعلانات السوشيال ميديا، وطبعا أنا اللي كنت بتفق على الفلوس دي فعارفة من سنة هو كان بياخد كام".

وأضافت: "والله في سهرة من السهرات اللي بينزلها واللي بيدفع فيها ده يكفي بنته، هو اللي خاني وضربني وكنت أنا اللي باعتذر عشان أنا اللي قصرت وهو محترم ومؤدب مع كل الناس إلا أنا، فأنا اللي مش كويسة (طبعا هو كان بيقنعني بالكلام ده هو وأهله فأنا كنت بصدق)، لأنه حولني لشخص عديم الثقة في نفسه، فكنت بحس إني أنا أستاهل اتضرب واتهان واتخان وأنا اللي مقصرة".

وتابعت: "واخد فلوسي، ومعترف بيها بس مش هيدهالي غير لما أوافق على كل شروطه، يا إما روحي للقضاء".

ثم نشرت ميما تعديلا على التدوينة كتبت فيها: "والنبي الناس اللي بتكلمني عشان أشيل البوست، أنتم ما تعرفوش أنا مستحملة إيه أنا وبنتي، وما تعرفوش أنا عملت مع الراجل ده إيه، وما تعرفوش أنا ساكتة بقالي قد إيه، وما تعرفوش أنا ببيع إيه عشان بنتي؛ لأن آخر 8000 جنيه، كانت معايا هو أخدها، وما تعرفوش أنا اتهنت إزاي منه ومن أهله ومن صحباته البنات؟".

وقالت: "فالبوست ده آخر حل عندي؛ لأن ماكنتش عايزة أعمل كده، مش عشاني ولا عشانه، إحنا بينا ربنا وهيحكم بينا، بس بنتي مكانتش تستاهل كده، فسامحيني يا ميما، بس غصب عني، وميما الحمد لله فهمت كل حاجة بدري؛ لأنها شافت آخر موقف قدام عنيها".

وقالت ميما: "معايا صور لكل اللي كتبته ودلائل عليه، ثم تحدثت عن إصابة والدتها بالسرطان ورفضه الوقوف بجانبها".

خالد تزوج من زوجته ميما الشامي في ديسمبر 2013، وأنجبا طفلة، وميما هي ممثلة شابة شاركت بأدوار صغيرة في بعض المسلسلات، فشاركت في رمضان 2016 في مشاهد قليلة في مسلسل "بنات سوبر مان".

أما خالد عليش فهو مذيع راديو شهير وقدم برامج "معاك في السكة" و"الموقف"، أما عبر التليفزيون فيشارك في تقديم برنامج "نهار جديد" على شاشة "النهار"، وشارك في بعض الأعمال التليفزيونية منها مسلسل "مأمون وشركاه"، وانفصل الثنائي في نهاية العام الماضي، بعد 6 سنوات زواج.