بعد تعرضه للتنمر.. ابنة أحمد بدير ترد على مي العيدان: "مش هسكت"

كتبت- ياسمين الشرقاوي:

ردت "سارة"، ابنة الفنان أحمد بدير على الإعلامية الكويتية مي العيدان، بعدما تنمرت الأخيرة على والدها عبر حسابها بموقع "إنستجرام".

بدأ الأمر حينما نشرت "مي"، صورة لأحمد بدير وابنته وعلقت: "صورة ابنة الفنان أحمد بدير.. والله طلعت بنته مزة، بنت الأقرع".

View this post on Instagram

A post shared by مي العيدان (@mayal3eidankwt)

ومن جانبها، ردت "سارة" ابنة أحمد بدير، عبر "فيسبوك"، قائلة: "طيب أنا صحيت من النوم النهاردة لقيت مصر كلها بعتالي عن بوست أستاذة مي العيدان الإعلامية، أنا أسمع عن حضرتك طبعًا وأعرف إنك شخص مشاكس يعشق التنمر وخصوصا التنمر على الفنانين!".

وأضافت: "بس حابة أوضحلك كام حاجة كدة: أولا.. أنا أبويا نجم كبير من نجوم الوطن العربي ومحدش هيسمحلك تتكلمي عليه نص كلمة، وأعتقد إنك شوفتي ده كفاية في هجوم الوطن العربي كله عليكي، اللي أنا نفسي اتفاجئت بيه وبشكر كل الناس اللي ردت غيبتنا!".

وتابعت: "ثانيا لو الفنانين بالنسبة لك حياتهم مستباحة فأنا مش فنانة عشان تحطيني معاهم في جملة مفيدة (مع احترامي لكل الفنانين طبعا)، ثالثا أبويا اللي حضرتك بتغلطي فيه ده علمني أرفض التنمر بجميع أشكاله، وحضرتك غلطتي فأنا أكيد مش هسكت!، وأخيرا أنا أبويا زي القمر ورأيك بعد إذنك احتفظي بيه لنفسك بعد كدة".

ثم نشرت "سارة"، صورة أخرى مع والدها، وعلقت عليها: "تعرفي يا أستاذة مي تلاقيلي عريس أسمراني وقمر كدة شبه أبويا".