بعد اتهامه بالاعتداء عليها بالضرب.. زوج شاهيناز ضياء يدافع عن نفسه

كتب- محمد مجدي:

أثارت نجمة برنامج ستار أكاديمي المطربة شاهيناز ضياء جدلًا واسعًا صباح اليوم، بعد اتهامها زوجها رجل الأعمال إيهاب محمود بضربها والاعتداء عليها، عبر صفحتها الشخصية بموقع "فيسبوك".

ومن جانبه، رد إيهاب محمود عبر صفحته الشخصية بالموقع نفسه، وكتب: "شكرًا لكل حد شتم فيا وفي والدتي إنتو شايفين نص الحقيقة بس محدش شاف إيه اللي حصل وإزاي، بيتبلو عليا هي ووالدتها، أنا هرد علشان الكل يعرف إني مش متربي على ده في كلام وكواليس وأنا مش هتكلم على أم ابني وأشهر بيها زي ما شهرت بيا ومعايا أدلة وورق على كل الكلام ده يثبت صحة كلامي وحسبي الله ونعم الوكيل في الضرر اللي سببوه لأهلي وليا".

وأوضح: "بكرا إن شاء الله هطلع أرد بفيديو ومستندات وورق والناس هتعرف مين ظالم ومين مظلوم ومحدش يتكلم في حاجة ميعرفهاش، الصورة بتبين نص الحقيقة مع احتفاظي بحاجات مينفعش تطلع لأني مش هشهر بأم ابني ولا هقول حاجة تجرح ابني لأني أتربيت على الأصول".

واختتم كلامه "أما ينزل الفيديو كله هيعرف إني مجتش على حد ومحدش برده يعرف الحقيقة لأنها مجرد صور وحقيقة مش كاملة".

وكانت "شاهيناز"، قد نشرت صورًا تكشف من خلالها آثار الضرب على وجهها، عبر صفحتها بموقع "فيسبوك"، وكتبت: "حسبي الله ونعم الوكيل فيك، ضربني وبهدلني أنا وأمي ومش عايز يديني ابني، ليا ربنا يجيبلي حقي".

شاهيناز تزوجت في أغسطس عام ٢٠١٤، وأهدت لزوجها أغنية "أنا بعشقه" التي حققت نجاحًا كبيرًا. يُذكر أن شاهيناز ضياء شاركت في الموسم الخامس من برنامج ستار أكاديمي، عام 2008.