محمد أنور يوجه الشكر للجمهور في آخر ليلة عرض لـ "مسرح مصر"

كتبت- منال الجيوشي:

اختتم فريق "مسرح مصر"، عروضه المسرحية لموسمه الأخر ليلة أمس السبت.

ونشر الفنان محمد أنور، عبر حسابه الرسمي بموقع إنستجرام، صورة جماعية للفريق، وعلق: "إمبارح كانت آخر ليله عرض في مسرح مصر، اللي استمر علي مدار سبع سنين وقدمنا فيهم ١٣٠ مسرحية".

وتابع: "شكرا أستاذ أشرف عبد الباقي على إصرارك من بداية المشروع إنك ترجع المسرح تاني، رغم إن ناس كتير كانت ضدك، وتحمسك إن يكون معاك في مشروعك ده وجوه جديدة وفضلت واقف جنبنا طول السبع سنين وفرحان بنجاحنا، لحد ما الفرقة كلها دلوقتي بقت نجوم ومعروفين في كل الوطن العربي".

وأضاف: "شكرا لكل زمايلي وأخواتي في الفرقة على أحلى سبع سنين في حياتي، أنا بحبكم جدا واتعملت منكم كتير جدا، ويارب نفضل سوا جنب بعض كدة طول العمر".

واختتم رسالته: "شكرا لكل جمهور مسرح مصر في مصر وكل الوطن العربي على وقوفكم جنبنا وتشجيعكم لينا من البداية ولحد دلوقتي، ونوعدكم بحاجات أحلى وأحلى إن شاء الله".

"مسرح مصر" يضم كوكبة من النجوم الشباب، وهم علي ربيع، حمدي الميرغني، مصطفى خاطر، محمد أنور، حامد الشراب، كريم عفيفي، محمد عبدالرحمن، ويزو، وآخرون.