"عمرو سعد برفقة ماجي جبران: "الست اللي زي الملاك

كتبت – منال الجيوشي:

نشر الفنان عمرو سعد، عبر صفحته الرسمية بموقع إنستجرام، صورة له برفقة الأم ماجي جبران، وهي تحمل أحد الأطفال.

وعلق "عمرو" على الصورة قائلا: "ماما ماجي جبران، الست اللي زي الملاك دي وهبت نفسها للناس الغلابة في مكان، الناس كلها، مهما كانت الفروق بينهم لأنها مؤمنة إن ربنا خلق الانسان من غير أي لافتة أو عنوان وإن كل الطرق اللي توصل لله صالحة طالما بتوصل للحق والخير".

وتابع قائلا: "الست دي ضحت عن طيب خاطر بكل شيء علشان الناس الغرب والقرب، لأنها متأكدة إننا كلنا من نفس واحدة، علشان كده مش غريب إنها تترشح لجائزة نوبل أكتر من مرة وهتاخدها إن شاء الله، بس الأهم من ده كله، إنها كانت جارتي في البيت القديم".

ماجي جبران أو كما يُطلق عليها "الأم تريزا المصرية"، تركت عملها بالجامعة الأمريكية، وتفرغت لرعاية الأطفال الفقراء وأسست جمعية خيرية تهدف لتحسين معيشتهم، وتم تكريمها هذا العام من الرئيس السيسي، في عيد الأم المصرية.