بالصور.. إستعدادات ضخمة لحفل كاريوكي بكايرو فيستفال سيتي مول

محمود عبد الناصر

يستعد فريق كايروكي، لإحياء حفلا غنائيا كامل العدد غدا الجمعة، والمقرر اقامته في كايرو فيستيفال سيتي مول بمنطقة التجمع الخامس، وأجرى المطرب أمير عيد البروفات الخاصة بحفله مساء أمس الخميس بصحبة فرقته.

وقال أمير عيد مطرب فريق كايروكى، احنا عاملين مجموعة من الأغانى الجديدة وهاتكون بتوزيع مختلف وعاملين افكار كتيرة حلوة هتعجب الناس لان اللى يهمنا انهما يكونوا مبسوطين.

وأشار تامر هاشم "درامز الفريق" ان تذاكر الحفل مباعة بالكامل ويوجد اكثر من 5 الاف تذكرة مباعة من الحفلات السابقة قبل تأجيلها وهيدخلوا بيها تانى، ورد فعل الجمهور ده اسعدنا جميعا وغرسوا فينا اصرار اننا نعمل حاجات افضل تعجبهم فى حفل كايرو فيستيفال سيتى مول.

وأستكمل شريف هوارى "عازف جيتار الفريق" احنا اللى يهمنا مستوى المزيكا اللى بنلعبها وهاتكون الحفل دى فيها تغيير لأنواع المزيكا اللى بنقدمها خاصة فى توزيعها بشكل كامل وحتى ترتيبها كى لا تكون تقليدية، لان هدفنا ان الناس تفضل فاكرة الحفلة دى ولا تمر مرور الكرام .

أعرب أمير عيد عن سعادته بعد معرفته عدم اعادة التذاكر المباعة من قبل فى حفلاتهم المؤجلة، لدرجة انهم قالوا حتى لو هتفضل ذكرى معاهم، وعشان كده بحب اكون متواصل معاهم، وهنفرحهم اكتر بفى الألبوم الجديد كمان.

وعن المنافسة بين فرق الأندرجراوند، قال تامر هاشم، التطور رهيب فى كل المجالات حتى من الناحية الفنية وكل شخص يلعب المزيكا بشكل مختلف والسوق بقى مش معتمد على مطرب فقط زى زمان، الموضوع بقى فرق اكتر، وأصبحت ناجحة بشكل ملحوظ.

ووجه امير عيد رسالة لجمهوره، انتوا بالنسبالى حاجة كبيرة وبحس انكم معرفة واصدقائى وبستمتع لما بكون معاكم واغنى الكلام اللى بحب اغنيه معاكم، واكيد مستنيكوا بكرة فى كايرو فيستيفال سيتى مول

انا عارف ان فى ناس كتيرة عندها حفلات هنعوضكم اكيد بحفلات اكتر واللى هايجى بكرة كايرو فيستيفال سيتى مول ، اوعده انه مش هينسى الحفلة دى طول حياته، واستكمل شريف هوارى، الحفلة هتعجبكوا جدا واتمنى تنبسطوا زى ما احنا هننبسط بوجودكم وهننتظر رأيكم تجاه الحفلة وان شاء الهل تكون الحفلات احسن.