بالصور والفيديوهات.. أكرم حسني يحقق لطفلة أمنيتها بزيارته في كواليس "الوصية"
-
عرض 4 صورة
-
عرض 4 صورة
-
عرض 4 صورة
-
عرض 4 صورة
كتبت- سما جابر:
أعرب الفنان والإعلامي أكرم حسني عن سعادته بمقابلة طفلة من ذوي الاحتياجات الخاصة تُدعى "زينة"، خلال كواليس تصويره مسلسل "الوصية" المقرر عرضه في رمضان المقبل.
ونشر "حسني" مجموعة صور وفيديوهات عبر حسابه على موقع انستجرام، خلال ترحيبه بزينة وأسرتها، وعلّق على أحد الفيديوهات قائلًا: "إمبارح وأنا بصور لاقيت ناس كتير من قرايبي وأصحابي باعتين لي بوست بيطلب من الناس اللي يعرفوني يبلغوني إن في بنت بتحبني ونفسها تشوفني".
A post shared by Akram Hosni (@akramhosny) on
وأضاف: "ولأني عارف إننا مشغولين في التصوير لحد نهاية رمضان ومش هافضى قبل كده فتواصلت مع باباها وطلبت منهم يجولي التصوير النهاردة.. لحد هنا والموضوع عادي.. لكن اللي مش عادي بقى لما زينة جت النهاردة وقابلتها.. والله العظيم أنا ما شفتش في حياتي بنت بالجمال ده ولا خفة الدم دي ولا اللماضة دي ولا الحنية دي ولا القدرة على التعبير عن إحساسها بالجمال ده لدرجة إني حسيت إني أنا اللي كنت محتاج أشوفها مش هي".
واختتم: "إحساس عظيم إنك تأثر في حد وإنك تحس إن ربنا جعلك أداة تسعد الناس وأنت كمان تبقى سعيد لما حد منهم يظهر لك حبه، ربنا يحميكي يا زينة يا حبيبتي ويبارك لك في أهلك المحترمين الطيبين الجدعان اللي اتشرفت إني قابلتهم واتعرفت عليهم.. أنا في منتهى السعادة".
يُذكر أن "الوصية" من تأليف أيمن وتار ومصطفى حلمي وإخراج خالد الحلفاوي، ويشارك في بطولته ريم مصطفى، ومن المقرر الاستعانة بعدد من النجوم كضيوف شرف على بعض الحلقات منهم الفنان هشام عباس.
فيديو قد يعجبك:
