أيمن بهجت قمر: الكلام في تفاصيل حياة "غنوة" بعد وفاتها مقزز ورخيص

القاهرة- مصراوي:

عبر الشاعر والسيناريست أيمن بهجت قمر عن استيائه، من حديث رواد مواقع التواصل الاجتماعي، عن تفاصيل في حياة الفنانة الشابة الراحلة غنوة محمد علي سليمان، والتي رحلت عن عالمنا عصر أمس الجمعة، إثر إصابتها في حادث تصادم.

وكتب أيمن عبر حسابه الشخصي على موقع "فيسبوك": "شئ مقزز ورخيص إنك في عز وفاة فنانة شابة، وموسيقار عظيم مكلوم في بنته، تطلع وتتكلم في تفاصيل حياة المتوفاة، وانها كانت بتشتكي من كذا وتغلط في أختها اللي هي أكيد زعلانة عليها في اللحظة دي أكتر من الشخص اللي عمال يتاجر ده وعامل إنه واحد من ضمن الأسرة".

وتابع: "هي دلوقتي بين إيدين رب كريم مش شايلة من حد، والمفروض ما تعمل حاجه غير الدعاء ليها بالرحمة، ووفر طاقتك دي وارؤف بحال والدها اللي أكيد محتاج بنته الكبيرة جنبه في ظروف زي دي.. إحنا إيه اللي جرالنا وجرى لقلوبنا بجد! إحنا ليه بقينا مليانين غل وانتقام واللقطة عندنا أهم من الإحساس".

يُذكر أن عزاء غنوة من المقرر إقامته مساء عدٍ الأحد، 14 أكتوبر، بمسجد المشير طنطاوي بالتجمع الخامس.