زوجة المخرج خالد بهجت توجه له رسالة بعد الشفاء من السرطان

كتب - محمد سعيد سليمان :

رسالة جميلة تضمنت كلمات رقيقة أهدتها الدكتورة هالة الشناوي، لزوجها المخرج خالد بهجت بمناسبة شفائها من مرض السرطان للمرة الثانية، وأعربت خلالها عن دوره الرائع في حياتها وكيف إعتنى بها حتى انتصرت على المرض، لدرجة أنه تفرغ لها وترك أعماله الفنية من أجل الوقوف بجوارها ودعمها.

وقالت الشناوي عبر صفحتها على موقع التواصل الاجتماعي "فيسبوك": "الحمد والشكر لله النهاردة ربنا انعم علي من فضله وكرمه بالشفا، النهاردة انتصرت للمرة الثانية، و بنعمة ربنا علي ، على السرطان"، اشكر كل أصحابي وحبايبي اللي وقفوا جنبي، وأشكركم على دعواتكم انا ممتنة لكم جميعا لكن في واحد ، انا باحمد ربنا سبحانه وتعالى على وجوده في حياتي".  

وأضافت :" لان الفضل في شفائي بعد ربنا سبحانه وتعالى، يرجع له الواحد ده يبقى حبيبي وزوجي خالد بهجت خالد أتفرغ الشهور اللي فاتت علشان يرعاني، ساب كل حاجة علشان يكون جنبي، خالد ماكنش بياكل الا لما أكل اللي هو بيحضره بنفسه، ماكنش بينام الا لما أنام لدرجة أني كنت بناديه (ماما خالد)".

وتابعت الشناوي "في ناس يبكون رزقها شغل -فلوس – صحة انا رزقي من ربنا سبحانه وتعالى هو خالد ربنا يجازيه عني كل خير انا ممتنة لوجوده في حياتي، واجعلنا من عبادك الراضين الحامدين. اللهم احفظه من كل شر وكل عين ، وأنعم عليه بالصحة والستر".