مدحت العدل في رثاء شقيقه: مكتوبلنا نفترق وبينا خيط مشدود

كتبت- منى الموجي:
كتب الدكتور مدحت العدل قصيدة في رثاء شقيقه الفنان سامي العدل، الذي رحل عن عالمنا شهر يوليو الماضي، بعد وعكة صحية ألمت به مع مطلع شهر رمضان، واستدعت إيداعه العناية المركزة.

ونشر العدل صورة تجمعه بسامي، وأعلاها القصيدة التي تحمل عنوان "نمرة على التليفون" عبر صفحته الرسمية على موقع "فيسبوك"، ويقول فيها:

نمرة ع التليفون صاحبها مش موجود
هو ف لحظة إختفى وهي ليها وجود
كل ما أقول أمسحها إيديا تخذلني
مكتوبلنا نفترق وبينا خيط مشدود
علمني أكون طيب مهما الصحاب خانوا
وكل شىء هين والشرفا بيبانوا
وهو كان السهل ف صعوبة الدنيا
وكان كمان الحياة والكون وألوانه
الصوت اللي كان عالي أجش خلاص
ساكت كما الحزن النبيل للناس
والرهبة مالية المكان بالموت
إحساس مايتوصفش يا غربة الإحساس
وكان شريك الألم و الشوق و أحلامي
وهو اللي مد إيديه ف فجر أيامي
سابنا لمين الخال وعمدة الجدعان
النأب كان العدل و المبتدأ سامي