كيف رأت دنيا عبدالعزيز تشبيهها بـ شريهان بسبب "زقاق المدق"؟ (خاص)

كتبت- منى الموجي:

قالت الفنانة دنيا عبدالعزيز إن تعليقات الجمهور التي جاءتها على مسرحيتها "زقاق المدق" والتي عُرضت الفترة الماضية، جعلتها تشعر بالسعادة والضيق في نفس الوقت.

وأوضحت في تصريحات خاصة لـ"مصراوي": "تحديدا بعد العروض الأولى للمسرحية في الإسكندرية، جاتلي تعليقات: إيه ده شريهان على المسرح، وطبعا دي حاجة كبيرة بالنسبالي، بس اتضايقت لأن أنا مش بحب شريهان بشكل عادي، لأ دي هي اللي حببتني في الاستعراض والرقص والغنا".

وأضافت دنيا "من وأنا عندي 8 سنوات درست كل أنواع الرقص بسببها، وعندي غيرة تجاهها، مفيش حد زيها مينفعش تقولوا كده، ومفيش حد يتقارن بيها، ومن جوايا كنت بقول إيه ده معقولة تقولولي كده، وفي نفس الوقت مينفعش تقولوا كده، هي مالهاش مثيل دي حقيقة، حتى لو شافوا فيا جزء كويس وحلو بس محدش يتحط جنب شريهان ولا نيللي نهائي".

"زقاق المدق" عن نص أدبي للأديب الكبير نجيب محفوظ، إخراج عادل عبده، بطولة: دنيا عبدالعزيز، محسن محيي الدين، بثينة رشوان، كريم الحسيني، ضياء عبدالخالق، بهاء ثروت، أحمد صادق، حسان العربي، سيد عبدالرحمن، مروة نصير، مراد فكري.