أسماء جلال عن فيلم "ولاد رزق 3: القاضية": "دوري كان رقاصة محترمة بتنصب على الناس"

كتب - مروان الطيب:

حلت الفنانة أسماء جلال ضيفة ببرنامج "معكم" تقديم الإعلامية منى الشاذلي ويعرض على قناة "cbc".

وتطرقت "أسماء" خلال حديثها عن كواليس مشاركتها بفيلمي "اللعب مع العيال" و"ولاد رزق 3: القاضية" اللذان تم عرضهما مؤخرًا ضمن موسم أفلام عيد الأضحى ويحققان نجاحًا كبيرًا بشباك التذاكر، إلى جانب كواليس تعاونها لأول مرة مع المخرج الكبير شريف عرفة، وعن النجاح الذي فاق كل التوقعات لإيرادات فيلم "ولاد رزق 3: القاضية"، إلى جانب علاقتها بنجوم الوسط الفني، وأسرار وكواليس تخص حياتها الشخصية كشفت عنها لأول مرة.

وعن دورها بفيلم "ولاد رزق 3: القاضية"، قالت: "أنا بحب الأجزاء اللي فاتت من ولاد رزق، ولما أستاذ طارق العريان كلمني تحمست جدًا، قلت له أنا موافقة أيا كان، وأنا كان دوري مع عمرو يوسف واشتغلت معاه قبل كده في مسرحية لذيذة أوي والطاقة بتاعته جميلة، وقعدنا نفكر طب الشخصية دي هتبقى رقاصة ولا مش رقاصة، قولت لأ مش عايزة، قال لي طب نصابة، قولتله ماشي أو رقاصة محترمة، وفي الآخر قررنا أنها تبقى بتسرق بطاقات الائتمان من الناس ومش عارف ده بان ولا لأ وأعتقد أن في أكتر من حاجة اتشالت".

وأضافت: "وأنا في الحقيقة غير الشخصية اللي في الفيلم خالص، ولو كل إنسان قعد يقول لنفسه أنا ذكي ومحدش يعرف يضحك عليا هو ممكن يتضحك عليه بسهولة، وما اتخدعتش في حد قبل كده وواخده احتياطي من اللي بيحصل حوالينا".

اقرأ أيضا:

تعرف على المسرحيات المشاركة في مهرجان العلمين الجديدة

بعد تداول صوره بالسودان.. ماذا قال عادل إمام عن الجمهور السوداني؟