"برنس وهيوصل للعالمية".. إشادات بأداء محمد إمام في "عمهم"

القاهرة- مصراوي:

نجح فيلم "عمهم" بطولة الفنان محمد إمام وإخراج حسين المنباوي، في جذب أنظار جمهور عيد الأضحى، الذين حرصوا على الإشادة بالعمل وصنّاعه عبر صفحاتهم على مواقع التواصل الاجتماعي، عقب مشاهدتهم له، العمل تم طرحه قبل 3 أيام واقتربت إيراداته من 5 ملايين جنيه.

ومن بين تعليقات رواد تويتر على الفيلم وأداء بطله محمد إمام: "الله على العظمة دي يا إمام"، "عجبني أوي الأكشن اللي في الفيلم بجد محمد إمام عالمي"، "شابو ليك يا عمهم والله"، "أنا دخلت فيلم (عمهم) وحقيقي انبسطت جداً من كواليتي فيلم عربي بالمنظر ده، وحقيقي مبهور بأداء محمد إمام خصوصا في حوار البوكسينج ده، فـ ما شاء الله يعني سلام وسيد رجب وثروت كالعادة إضافة لأي عمل هما فيه"، "ادخلوا الفيلم يا جماعة أكشن وكوميديا محصلش".

وكتب آخرون "يا جماعة بجد فيلم عمهم من أجمل الحاجات اللي حصلت العيد ده ومحمد أثبت نفسه فعلا أنه هيوصل للعالمية"، "برنس فـ الفيلم يا عمهم"، "بجد محمد إمام ممثل مفيش زيه كوميدي على أكشن على دراما منوع كدا من كل حاجة"، "محمد سلام دا جامد عامل دور حلو اوي"، "سيد رجب ده ممثل جامد"، "أول حاجة كل سنة وانت طيب يا عمهم، الفيلم جميل بصراحة جامد، وكل اللي هيشوفه هينبسط منه أوي، وده يشجعنا دايما أن نكون في انتظارك يا نجم بالتوفيق لك يا رب في كل اللي جاي".

فيلم "عمهم" من تأليف وسام صبري، وإخراج حسين المنباوي، وإنتاج أحمد السبكي، بطولة محمد إمام، سيد رجب، أيتن عامر، محمد لطفي، محمد سلام، هدى المفتي، باسم سمرة، رياض الخولي، أحمد خالد صالح، محمد ثروت، الشحات مبروك.