بالفيديو| عن المرحلة الصعبة ..نجل أحمد السقا يكشف عن أول أعماله السينمائية

كتبت- منال الجيوشي:

نشر ياسين السقا، نجل الفنان أحمد السقا، عبر قناته الرسمية بموقع يوتيوب، فيلم قصير باللغة الإنجليزية من بطولته بعنوان Inside out.

وعلق "السقا" على الفيديو قائلا: "ناس كتير علي مستوى العالم بتواجه مرحلة معينة في حياتهم وهما في سن صغير، المرحلة دي بيتعرضوا فيها لظروف بتخليهم يفقدوا أي أمل في الحياة و بيحسوا إن حياتهم ملهاش لزمة".

وتابع: "المرحلة دي ممكن تخليهم يعملوا أي حاجة عشان يهربوا من الإحساس ده أو عشان يعبروا عن نفسهم بطريقة غلط ممكن تأذيهم شخصيا، ودلوقتي جه الوقت اللي هعرضلكم فيه المرحلة دي من حياة ناس كتير".

واستكمل: "ده فيلم قصير هدفه إنه يبعت رسالة لأي حد بيعدي بمرحلة صعبة في حياته إنه يفكر كويس قبل ما ياخد أي خطوة، الرسالة دي هدفها إن الناس تفكر بره الصندوق و تبص للظروف من وجهة نظر مختلفة و إيجابية أكتر".

وأضاف: "لازم نبطل نحكم على الناس، ولازم نعرف كويس إن كلامنا ممكن يقتل أي حد بيعدي في مرحلة صعبة فيها ضغوط هو أصلا مش عارف يستحملها، وده عشان محدش فينا عارف إيه الظروف اللي غيرنا بيعدي بيها".

واختتم حديثه: "عايزكوا تتفرجوا على الفيلم و تحاولوا تطلعوا منه بفكرة ليها علاقة بحياتكم، وبعتذر على إن الفيلم باللغة الإنجليزية بس الترجمة للعربي هتنزل قريب".