راندا البحيري: ''فخورة أني طابور خامس''

كتب ـ محمد طعيمة:

أعربت الفنانة راندا البحيري عن سعادتها وفخرها كونها "طابور خامس".

وكتبت راندا صباح اليوم الأثنين عبر صفحتها الشخصي على موقع لتواصل الاجتماعي "فيسبوك": "فيه ناس بتلاقيهم بيشجعوا الزمالك أوي ومتعصبين جدا ودايماً بيرددوا سنظل أوفياء سنظل أوفياء، وتلاقيهم قرفانين علي طول من الفانلة الحمرا.. وناس تانية بتلاقيهم أهلاوية أوي أوي ونازلين تريقه عالزملكاوية، وبيقولوا أنه ستة واحد وقِصص كتير كده.. أنا ولا من دول ولا من دول. أنا حاجه تالتة. أنا طابور خامس".

وكانت راندا قد أثارت موجة من الهجوم عليها مساء أمس عقب كتابتها أيضاً علي "فيسبوك": "بعشق باسم يوسف. بحب يسري فوده. بسمع حمزه نمره. بحترم انسانية محمود سعد. مش قادره أكره ريم ماجد زيكوا مشفتش منها حاجه وحشه. بحترم البوب. بتابع تويتات النشطاء كلهم. بسمع وبفهم عمرو حمزاوي و بحترم اراءه جدا. حمدي قنديل خالد علي معتز عبد الفتاح ابوتريكه من الشخصيات اللي اتعلمت منها كتير من خلال متابعتي لهم و انصاتي الحقيقي لهم حينما يتحدثون و يحللون شيئا…. أيوه…. أنا طابور خامس"

لمتابعة أهم وأحدث الأخبار اشترك الآن في خدمة مصراوي للرسائل القصيرة.. للاشتراك ...اضغط هنا