شيرين بعد طلاقها من حسام حبيب: والدتي كانت شايفة اننا ما ننفعش لبعض

كتب- حسن مرسي:

قالت الفنانة شيرين أمى أول واحدة عرفت قرارى بالطلاق وأصرت عليه وحسام لما راح يتقدملى أول مرة أمى قالتله أجرى أجرى احنا هنعيل وهى كانت عندها حق.

وتابعت شيرين، خلال لقاء مسجل مع الإعلامى عمرو أديب ببرنامج "الحكاية"، المُذاع عبر فضائية "mbc مصر"، مساء السبت: هى من الأول كانت شايفة اننا ما ينفعش لبعض وإننا لازم نفضل صحاب، وعاوزة أقوله انت إنسان كويس جدا ومحتاج تشتغل على نفسك أنت معدنك كويس جدا ومتربى وعنده حاجات حلوة كتير والراجل لازم يفضل راجل وعندك حاجات حلوة كتير هو كمان كان ظالم نفسه كان بينزل ألبوم كل 8 أو 9 سنين فحرام الظلم ده ربنا م بيدى فرص كتير للناس.

وأكدت أن الاكتئاب اللى عندى بسبب الكورونا وانفجار مرفأ بيروت ومش عارفة الناس اللى أول الدنيا ما اتفتحت طلعت على مارينا مش عارفة الناس دى اتعملت من ايه، يمكن ده اسلوبهم فى الحياة انا لسه مش عارفة اتخطاهم، وبقول لجمهورى ربنا يجعلكم دايما سند ليا ويجعلكم الحضن الى فيه الحقيقة اللى مش بتروح.