محمد هنيدي يكشف عن ليلة رعب قضاها في شقة "مسكونة" في الزمالك

كتبت – سحر عزام:

كشف الفنان محمد هنيدي، عن ليلة رعب قضاها في أحد الشقق بالزمالك مع صديقه أحمد عبد الله، وذلك بعد حصوله على سلفة تقدر ب600 جنيه أثناء عمله في مسرحية "حزمني يا".

وأضاف هنيدي، خلال لقاء تلفزيوني ببرنامج "معكم منى الشاذلي" المذاع عبر قناة "سي بي سي" اليوم الخميس :"خدت من الفرقة سلفة 600 جنيه وقولت عايز أخد شقة لوحدي في الزمالك، وكان معايا عود وطلعت أنا وأحمد عبد الله وحطينا الشنط، والمطبخ كان جمبنا، ونمنا وبعدها سمعنا حالة طبيخ كاملة في المطبخ كأن في ست بيت والحنفيات شغالة، كان ناقص نشم الريحة، وإحنا ميتين وقاعدين نبص لبعض".

وتابع محمد هنيدي :"قمنا خدنا الشنط وحالة رعب غير عادية والصوت بيعلي في المطبخ، اللي هو امشوا بقه، واتكعبلنا على السلم والعود اتكسر، ولقينا الراجل اللي سكنا، قالنا محدش قالكم، قولنا له محدش قالنا يا خويا، فطلعت مشهورة".